နိဒါန်းနဲ့နိဂုံး

ငါဟာ မင်းအတွက် အရေးမပါတဲ့ လူတစ်ယောက်

မင်းငါ့ကို နင်းချင်နင်း နမ်းချင်နမ်းနိုင်တယ်။

ဒါပေမဲ့

တစ်ခုတော့သိထားလိုက်ပါ။

ငါဟာ အသက်မဲ့တဲ့ ရုပ်ထုတစ်ခု မဟုတ်ဘူးဆိုတာ။

မြင်အောင်ကြည့်ပါ။

မင်းတစ်ချက်လေး စောင်းငဲ့ကြည့်ရုံနဲ့ မြင်နိုင်လောက်အောင်ကို

ငါဟာမင်းအတွက် ရှင်သန်နေခဲ့တာပဲ။

ငါ့ကိုယ်ငါတောင် မယုံနိုင်ခဲ့ပါဘူး။

မင်းရဲ့အကြည့်တစ်ချက်မှာ

ငါ့ရင်ခုန်သံတွေ အတုန်းအရုန်းကျဆုံး

ဘာတန်ခိုးတွေနဲ့များ ပြုစားထားလို့

ငါမုန်းမရနိုင်တာလဲ မိန်းကလေးရယ်။

အချစ်ဆိုတဲ့ အရာကပဲ နက်ရှိုင်းလွန်းတာလား။

ငါကပဲ ဥာဏ်မမီတာလား။

အခုချိန်ထိ ရင်ထဲက ခံစားချက်ကို မင်းသိအောင် စာမဖွဲ့နိုင်သေးဘူး။

ငါဒီမှာ ခံစားရတာတွေလည်း ရင်နဲ့တောင် မမျှတော့ဘူး။

ကောင်မလေးရေ...

ရေးချလို့ မရနိုင်တဲ့ ကဗျာတွေ ငါ့ရင်ထဲမှာ ရှိနေတုန်းပဲ။

ရွာမချနိုင်တဲ့ မိုးအတွက် ပန်းတွေလည်း မပျိုးပေးတော့ဘူး။

ကိုယ့်အချစ်တွေကို

တစ်ပါးသူသိအောင် လုပ်ရတာ ပင်ပန်းတယ်။

အရာရာတိုင်းမှာ အဆုံးဆိုတာ ရှိမှာပဲ။